Bıyl respýblıka kóleminde Ulttyq biryńǵaı testileýden ortasha ball 70,9-dy qurady - Bilim jáne ǵylym mınıstrligi
ASTANA. 15 maýsym. QazAqparat - 9 jyldyń ishinde ulttyq biryńǵaı testileýge 1 mln. 240 myń túlek qatysty. Bul jaıynda búgin Bilim jáne ǵylym mınıstrliginde taratylǵan málimetterde aıtylǵan.
Atap aıtqanda, bıylǵy jyly UBT-ǵa 117 myń 432 talapker, ıaǵnı testileýge qatysýǵa ótinish bergenderdiń 97 paıyzy nemese mektep bitirýshilerdiń jalpy sanynyń 75 paıyzy qatysty. UBT aıasynda barlyǵy 154 pýnktteri uıymdastyryldy.
«Mektep bitirýshi túlekterdi UBT ótkizý tártibine psıhologııalyq turǵyda beıimdeý úshin jáne stress týdyratyn jaǵdaılardy azaıtý maqsatynda ár túlek orta eseppen 7 ret synama testileýden ótti. Bıyl respýblıka kóleminde ortasha ball 70,9-dy quraıdy. Ol byltyrǵy jylmen salystyrǵanda 15,7 balǵa tómen. Joǵarǵy oqý ornyna túsý úshin tómengi mejeni 43163 talapker óteı alamady. Sondaı-aq, eń joǵarǵy 125 baldy 3 mektep bitirýshi eńserdi.
