Bıyl respýblıka boıynsha jalpy egistik alqaby 21,3 mln. gektarǵa jetpek
ANA. 10 naýryz. QazAqparat /Marlan Jıembaı/ - Aǵymdaǵy jyly respýblıka boıynsha jalpy egistik alqaby 21,3 mln. gektardy quraıdy.
Bul týraly búgin selektorlyq formattaǵy Úkimet otyrysynda Aýyl sharýashylyǵy mınıstri Aqylbek Kúrishbaev málim etti.
«Oblystyq ákimdikterdiń málimetterine sáıkes bıylǵy jyly respýblıka boıynsha jalpy egistik alqap 21,3 mln. gektardy quraıdy. Onyń 16,5 mln. gektary - dándi, 1,7 mln. gektary - maıly daqyldar. Bul rette dándi jemdik jáne dándi burshaqty daqyldardyń egistik alqaby 94 myń gektarǵa artpaq. Sonymen qatar jem-shóp daqyldarynyń kólemi 95 myń gektarǵa, kókónis alqaby 2,5 myń gektarǵa jáne qant qyzylshasynyń kólemi 1,7 gektarǵa ulǵaımaq»,-dedi mınıstr.
Onyń atap ótýinshe, jem-shóp daqyldary egistik alqabynyń ulǵaıýy mal sharýashylyǵy salasyna baılanysty oryn alyp otyr. Sondaı-aq mınıstrdiń atap ótýinshe, aǵymdaǵy jyly ylǵal saqtaıtyn tehnologııalardy qoldaný alqaptarynyń jalpy kólemi 11,9 mln. gektarǵa jetedi. Ol barlyq egistik alqaptarynyń 68 paıyzyn quraıdy dep josparlanýda. Bul byltyrǵy deńgeıden 650 myń gektarǵa nemese 6 paıyzǵa artyq.
