Bıyl Reseıde astyq ónimi 25 paıyzǵa tómendeýi múmkin
ASTANA. Tamyzdyń 2-si. QazAqparat - Reseıde 2010 jyly astyq ónimi ótken jylmen salystyrǵanda 20-26 paıyzǵa kemýi múmkin. Bul týraly búgin Reseı astyq odaǵynyń prezıdenti Arkadıı Zlochevskıı habarlady.
Búginde reseılik 26 aımaqta qurǵaqshylyqqa baılanysty egis kúıip ketken. Zlochevskııdiń málimetine qaraǵanda, 10 mln. gektar alqaptyń egisi jaramsyz bolyp qalǵan, bul eldegi barlyq egis alqabynyń 20 paıyzyn quraıdy.
Reseı astyǵyn eksporttaý aǵymdaǵy jyly 11-19,5 mln. tonna kóleminde bolady dep boljanýda. Byltyrǵy 21,4 mln. tonnanyń ornyna bıyl eksport 14-15 mln. tonnaǵa deıin qysqarmaq, dep habarlady Ýtro.rý agenttigi.
