Bıyl PTR anyqtamasyz kelgen 54 sheteldik shekaradan óz eline qaıtaryldy

NUR-SULTAN. QazAqparat – Qańtardan qazan aıynyń sońyna deıin kóliktegi sanıtarııalyq baqylaýshylar elimizge kelgen 1 406 904 jolaýshyny tekserdi, dep habarlaıdy QazAqparat Sanıtarııalyq-epıdemıologııalyq baqylaý komıtetine silteme jasap.

«Eýrazııalyq ekonomıkalyq odaqtyń keden shekarasyndaǵy sanıtarııa-karantın baqylaýy barysynda 2021 jyldyń 10 aıynda 32 054 kólik, sonyń ishinde – 9 637 temirjol, 10 544 − áýe jáne 11 873 − teńiz kóligi sanıtarııalyq tekserýmen qamtyldy. Onda 1 406 904 jolaýshy tekseildi. Shekaradan ótken adamdardy tekserý barysynda 10 aıda dene qyzýy joǵary jáne juqpaly aýrýy bar dep kúdiktelgen 21 naýqas anyqtaldy, olardyń 11-i aýrýhanaǵa jatqyzyldy», delingen habarlamada.

Bas memlekettik sanıtarııalyq dárigerdiń 2020 jylǵy № 59 qaýlysyna sáıkes 2021 jyly qańtardan bastap qazan aıynyń sońyna deıin 1 320 013 avıajolaýshy kelgen, sonyń ishinde 1 291 501 jolaýshyda PTR anyqtamasy bar, al PTR anyqtamasyz kelgen 28 512 jolaýshy sanıtarııa- karantın baqylaýyna alyndy, 10 aıda 54 adam (Túrkııa, Ózbekstan, Reseı, Majarstan azamattary) keri óz eline qaıtaryldy.