Bıyl prokýrorlardyń narazylyǵymen 65 sottalýshynyń jaǵdaıy jaqsardy nemese aqtaldy
«Zańdy, ádil ári negizdi aıypty qoldaý – is boıynsha durys sheshimniń jáne adam quqyǵyn qorǵaýdyń kepili. Konstıtýtsııamen belgilengen bul mindet prokýrorlarǵa erekshe jaýapkershilik júkteıdi. Memlekettik aıyptaýshy qoǵam men aqparat quraldarynyń erekshe nazarynda ekeni belgili. Onyń biliktiligine qarap, halyq jalpy prokýratýra organdaryna baǵa beredi», - dedi ol.
Bas prokýror búgingi is-shara memlekettik aıyptaý sapasyn arttyrýdaǵy problemalar men naqty qadamdardy talqylaý maqsatynda uıymdastyrylǵanyn aıtty.
«Bul jerde kóptegen suraq qordalanyp qaldy. Ádildik izdegen adamdar óńirlerden bizge, Joǵarǵy sotqa jáne Prezıdent Ákimshiligine keledi. Maǵan da olardy jıi jeke qabyldaýǵa týra keledi. Kópshiligi túrli satyǵa birneshe márte júgingen. Prokýrorlardyń atyna da sógissiz bolmaıdy. Oǵan túsinistikpen qaraımyn. Óıtkeni, ár istiń artynda adamnyń, onyń otbasynyń, týǵan-týystary men jaqyndarynyń taǵdyry jatyr. Ókinishke oraı, keıbir qatelikterdi kassatsııada túzetýge týra keledi. Tek osy jyly ǵana bizdiń narazylyǵymyzben 65 sottalýshynyń jaǵdaıy jaqsardy nemese aqtaldy», - dedi Bas prokýror.
