Bıyl prokatqa shyqqan fılmder 20 mlrd teńge aqsha jınaǵan, onyń 40 paıyzy - qazaq kınosy enshisinde
Jıynda birinshi bolyp sóz sóılegen «Qazaqfılm» kınostýdııasynyń vıtse-prezıdenti Serik Ábishev «Kınematografııa týraly zańǵa» qatysty máselelerge keńinen toqtaldy.
Ol atap ótkendeı, zań bar, biraq onyń jumys isteý tetikteri joq.
«Júıe óte kúrdeli. Munda ǵylymı kózqaras, zertteý, taldaý qajet. Kıno týraly Zań QR basqa zańdarymen pysyqtalýy, basqa mınıstrliktermen baılanysy bolýy tıis. Sonda ǵana ol naqty jumys isteıtin bolady», - deıdi ol.
Prodıýser Zarına Kısıkova óz kezeginde «Kınematografııa týraly zań» aıasynda jumys isteýge májbúr bolǵan otandyq kınematografısterdiń qandaı qıyndyqtarǵa tap bolatynyn aıtyp berdi.
Aıdos Seıitjan bolsa derekti kınonyń problemalaryn kóterdi.
Dóńgelek ústeldiń otandyq kınoprokat taqyrybyna arnalǵan ekinshi bóligi odan da qyzý pikirtalas týdyrdy.
UKQMO basqarma tóraǵasynyń orynbasary Baýyrjan Shókenov qazirgi zamanǵy otandyq naryqtyń artyqshylyqtary men kemshilikteri týraly egjeı-tegjeıli aıtyp, problemalar bar ekenin, olardyń sheshilip jatqanyn jáne memleket tek óndiriske ǵana emes, sonymen qatar qazaqstandyq fılmderd iilgeriletýge de kóp kóńil bólip jatqanyn atap ótti.
Shókenovtiń aıtýynsha, 2022 jyly (qarashaǵa deıin) Qazaqstannyń prokat naryǵy 20 mıllıard teńgeniń deńgeıine jetti, bul pandemııaǵa deıingi kórsetkishke jaqyn.
15 mıllıon bılet satyldy, ortasha bılet baǵasy 1300 teńgeniń tóńireginde, bul negizinen onsha qymbat emes.
«Eń qyzyǵy, osy 20 mıllıardtyń qyryq paıyzyn, ıaǵnı 8 mıllıardqa jýyǵyn otandyq fılmder jınaǵan. Bıyl prokatqa shyqqan 450 fılmniń 64-i otandyq. Bul fılmderdiń jalpy sanynyń 14 paıyzy jáne olar bizge paıdanyń 40 paıyzyn berdi. Bul - orasan zor kórsetkish», - dep atap ótti ol.
Ol sondaı-aq memleket qarjylandyratyn fılmderdiń paıda ákele bastaýyn erekshe atap ótti.
Máselen, jergilikti naryqty dúr silkindirgen «Dos-Muqasan» 500 mln teńgeden astam qarjy jınap úlgerdi.
Shókenov sonymen qatar otandyq kınonaryqtyń jańa qatysýshysy – Tiger Films kompanııasy týraly sóz qozǵap, olardyń týyndylary prokatta tamasha nátıje kórsetip jatqanyn tilge tıe ketti.
Sonymen qatar jas rejısserler men prodıýserler kınoteatrlardyń fılmdi kórsetý úshin qomaqty soma suraıtynyn jáne memleketten bul máseleniń qalaı bolsa da sheshimin tabýǵa járdemdesýin surap otyr.
Osy tusta kınoteatrlardaǵy zal bólý máselesi de qyzý talqylandy.
Odan keıin belgili prodıýser Gúlnar Sársenova qazaq kınosyn halyqaralyq naryqtar men festıvalderde ilgeriletýdegi tájirıbesin bólisti.
Sondaı-aq, ol derekti memleketimizge fılmderdi, qysqametrajdy fılmderdi jáne anımatsııalyq fılmderdi ilgeriletýge kómektesetin jeke strımıngtik platforma aýadaı qajet ekenin atap ótti.
Dóńgelek ústeldiń úshinshi taqyryby - fılmderimizdiń halyqaralyq naryqqa shyǵýy jáne koprodýktsııa. Bul jerde Grýzııa, Frantsııa, Bolgarııa prodıýserleri men qazaqstandyq Movie Service kompanııasynyń jetekshisi Anna Darmodehına pikir bólisti.
Barlyq qatysýshylardy muqııat tyńdaǵan grýzın prodıýseri Zýrab Magalashvılı Grýzııada da 25 jyl buryn osyndaı problemalar bolǵanyn atap ótti.
Sol kezde olarǵa Eýropadan, ásirese Frantsııadan kelgen mamandar kóp kómektesken eken.
Jáne de ol sheteldik zańdarǵa sáıkes kelmeıtin zańnamalyq bazasyz koprodýktsııa múmkin emes ekenin jetkizip, sonymen qatar qazirgi kıno naryǵynyń problemalaryna toqtaldy.
«Zańdaryńyzda kóp nárse Reseıden alynǵan, termınder de birdeı. Odan aýlaq bolýlaryńyz kerek. Bul koprodýktsııa úshin de mańyzdy. Muny men qınala aıtyp otyrmyn, biraq bul aşy shyndyq», - dedi ol.
