Bıyl Pavlodar oblysyndaǵy egis alqaptarynyń kólemi 49 myń gektarǵa artady
ASTANA. QazAqparat - Bıyl Pavlodar oblysyndaǵy egis alqaptarynyń kólemi 49 myń gektarǵa artyp, 1 193,8 myń gektarǵa jetedi. Bul týraly Pavlodar oblysynyń ákimi Bolat Baqaýov qatysqan apparat keńesinde oblystyń aýyl sharýashylyǵy basqarmasy basshysynyń m.a. Serjan Qalıaqparov málim etti.
Serjan Qalıaqparovtyń aıtýynsha, oblys boıynsha kóktemgi egis jumystaryna 15 myń tonna arzandatylǵan dızel otyny bólindi. Operatorlardyń qyzmetin esepke alǵanda aýyl sharýashylyǵy taýar óndirýshileri úshin jaǵarmaı quny lıtrine - 82 teńge. Bul naryqtaǵy baǵadan 17 paıyzǵa tómen.
«QazAgro» AQ-yń qurylymdyq bólimsheleri óńirdiń aýyl sharýashylyq taýar óndirýshilerine 1,2 mlrd teńge kóleminde qarajat bólip otyr.
Qazirgi ýaqytta tehnıka parkiniń daıyndyǵy 92 paıyzdy, aýyl sharýashylyǵy quraldarynyń daıyndyǵy 90 paıyzdy qurady. Kóktemgi egis naýqanyna 128 egis keshenderi qatysady.
Aımaq basshysy oblystyń aýyl sharýashylyǵy basqarmasy men «KazAgro» AQ-yń qurylymdyq bólimshelerine kóktemgi egis jumystaryna nesıe berýdi qamtamasyz etýdi, qalalar men aýdandardyń ákimderine, aýyl sharýashylyǵy basqarmasyna - arzandatylǵan dızel otynyn berilgen ýaqytynda tasymaldanýyn júrgizýdi tapsyrdy.
