Bıyl Pavlodar oblysynda16,8 mln túp aǵash otyrǵyzylǵan

PAVLODAR. QazAqparat – Bıyl Pavlodar oblysynda 3,2 myń gektar alqapqa 16,8 mln túp aǵashtar otyrǵyzyldy. Bul týraly atalǵan óńir turǵyndarymen kezdesken Ekologııa, geologııa jáne tabıǵı resýrstar mınıstri Serikqalı Brekeshev aıtty, dep habarlaıdy QazAqparat tilshisi.

«Qazirgi ýaqytta respýblıkanyń ormandylyǵy 5 paıyzdy quraıdy. Maqsat - 2030 jylǵa qaraı kórsetkishti 5,3 paıyzǵa deıin jetkizý. Prezıdenttiń bastamasymen ótken jyly biz 5 jyl ishinde 2 mlrd aǵash otyrǵyzýdy bastadyq. 2022 jyldyń jospary tolyq oryndaldy. Bıyl Pavlodar oblysynda 3,2 myń gektar alqapqa 16,8 mln dana aǵash otyrǵyzyldy.

Sondaı-aq, kógaldandyrýǵa aımaqtaǵy iri kásiporyndar qatysýda. Olar oblys aýmaǵynda 40 myńnan astam aǵashtar men butalardy otyrǵyzdy. Aldaǵy 4 jylda Pavlodardaǵy «Qazaqstan alıýmınıı» jáne «Qazaqstan elektrolız zaýyty» aktsıonerlik qoǵamdary 100 myńǵa jýyq kóshet otyrǵyzýǵa nıetti», - dep toqtaldy mınıstr.

Serikqalı Brekeshevtiń dereginshe, elimizde aýaǵa bólinetin zııandy qaldyqtardyń 30 paıyzy Pavlodar oblysyna tıesili. Al Ekibastuz qalasyndaǵy káriz tazartý qurylǵylarynyń 85 paıyzy tozǵan.