Bıyl Pavlodar oblysynda syıymdylyǵy 25 myń tonna bolatyn jeti zamanaýı kókónis qoımasy iske qosylady
PAVLODAR. 30 mamyr. QazAqparat /Vera Lıvıntsova/ - Bıyl Pavlodar oblysynda syıymdylyǵy 25,1 myń tonna bolatyn jeti zamanaýı jáne qajetti jabdyqtarmen qamtamasyz etilgen kókónis qoımasy salynyp, qaıta jóndeýden ótkiziledi,
dep habarlady aýyl sharýashylyǵy basqarmasynyń bastyǵy Baýyrjan Qasenov.
Muzdatqyn jabdyqtary bar kókónis qoımalary «Sharzen», «Dogma» JShS-teri men «Eldar» sharýa qojalyǵynda qurylady. Eki saqtaý qoımasyn jańartqannan keıin «Pavlodar» áleýmettik-daıyndaý ortalyǵynda muzdatqysh kameralardyń aýqymy 1,2-den 2,1 myń tonnaǵa deıin kóbeıedi.
Barlyǵy oblys aýmaǵynda syıymdylyǵy 101,4 myń tonnalyq 85 kókónis qoımasy bar, olardyń jartysynan kóbi qazirgi zaman talabyna saı jabdyqtarmen qamtamasyz etilgen. Ol jabdyqtar kartop pen kókónisterdiń sapasyn kelesi ónimge deıin saqtaı alady.
