Bıyl Pavlodar oblysynda 67 myń gektar alqap jańadan ıgeriledi

Bul týraly oblystyq aýyl sharýashylyǵy basqarmasynyń ósimdik sharýashylyǵy jáne mehanızatsııa bóliminiń bas mamany Baıbolat Rahymjanov málim etti, dep habarlaıdy pavlodarnews.kz .

«Bıyl bizdiń oblysta 30 myńnan astam gektar jerge kóp jyldyq shóp ósiriledi. Onyń 9,5 myń gektary Jelezın, 5 myń gektary Ertis aýdanyna tıesili. Al, bir jyldyq shóp ósiriletin jerdiń aýmaǵy shamamen 38300 gektardy quraıdy», - deıdi Baıbolat Rahymjanov.

 Eske sala keteıik, bir jyldyq jáne kóp jyldyq shópti maldyń jem azyǵy úshin ǵana emes, sonymen birge, topyraqty qunarlandyrý úshin de egedi. Sonymen qatar, 15500 gektar aýmaqqa júgeri ósiriledi. Ósimdiktiń bul túrimen kóbinese sút óndiretin sharýashylyqtary aınalysady. Bas mamannyń sózinshe, bıyl 692,390 gektar alqapqa astyq daqyldary otyrǵyzylady. Al, maıly daqyldar kólemi 191,800 gektardy qurap otyr. Bıyl kartop ónimderi 16 myń gektar alqapqa otyrǵyzylady. Máselen, Aqsý aýyldyq aımaǵy 3,4 myń, Pavlodar aýdany 3,7 myń, Ekibastuz qalasy men Aqtoǵaı, Kachır, Lebıaji, Jelezın aýdandarynyń árqaısysy myń gektardan astam jerge otyrǵyzbaq. Al, oblysta egiletin qaýyn men qarbyzdyń 90 paıyzy Lebıaji aýdanyna tıesili.