Oblystyq polıtsııa departamenti kóshi-qon qyzmeti azamattyq jáne kóshi-qon tobynyń aǵa ınspektory Gúlstan Batalovanyń aıtýynsha, vedomstvoda 18 túrli memlekettik qyzmet kórsetiledi.

«Onyń ishinde shet el azamattary Qazaqstan Respýblıkasynda turaqty turý, qujattardy tirkeý jáne  Qazaqstannyń azamattyǵyn alý jóninde ótinishpen júginedi. Bıyl jyl basynan beri óńirde 1000-ǵa jýyq shet el azamatyna Qazaqstanda turaqty turý úshin ruqsat berilgen. Olardyń basym bóligi 31 jeltoqsanǵa deıin ótetin «Merzimi ótip ketken oralman mártebesin uzartý» aktsııasy aıasynda QR azamattyǵyn alyp úlgerdi. Oǵan bir kezderi oralman mártebesin alǵan, biraq belgili bir sebeptermen azamattyqty rásimdeı almaǵan jáne osylaısha oralman mártebesi merzimi ótip ketken etnıkalyq qazaqtar kiredi», - deıdi Gúlstan Batalova.

Joǵaryda atalǵan azamattar oralman mártebesin uzartyp, QR azamattaryn qabyldaýǵa qujattaryn ishki ister organdaryna jáne kóshi-qon qyzmetine tapsyra alady.  

QR keletin shet el azamattarynyń materıaldary «V 8» kategorııasy boıynsha qabyldansa, etnıkalyq qazaqtar kez kelgen vıza boıynsha turaqty turýǵa  tapsyra alady. Qujattar tizimin QR ІІM bekitken. Materıaldardy qaraý merzimi – 60 kún. Qyzmet kórsetý – tegin.

Eske sala ketsek, taıaýda QR Prezıdentiniń janyndaǵy Azamattyq máseleleri jónindegi komıssııanyń otyrysy ótti. Otyrys qorytyndysy boıynsha Memleket basshysynyń qaraýyna shetelden kelgen 1 084 adamnyń QR azamattyǵyn qabyldaý týraly usynysy engizildi.