Bıyl Parlament Májilisiniń kezekten tys saılaýyn ótkizýge qarjy qarastyrylmaǵan - Q. Turǵanqulov
ASTANA. 7 shilde. QazAqparat /Jasulan Amanbaıuly/ - Qazaqstanda Parlament Májilisiniń bıyl kezekten tys saılaýyn ótkizýge bıýdjetten qarjy qarastyrylmaǵan. Bul týraly búgin elordadaǵy baspasóz máslıhatynda Ortalyq saılaý komıssııasynyń tóraǵasy Qýandyq Turǵanqulov málim etti.
«Bıyl biz bıýdjetke Májilis pen máslıhat saılaýyna aqsha suraǵamyz joq, bizdiń bıýdjetimizde ol aqsha joq. Májilis jáne máslıhat saılaýlary kelesi 2012 jyly ótýi kerek. 2012 jyldyń bıýdjetine ol aqshany engizip otyrmyz», - dedi Q. Turǵanqulov.
Eske sala keteıik, sáýir aıynda QR Prezıdentiniń keńesshisi Ermuhamet Ertisbaev elde kezekten tys Parlament saılaýynyń ótýi múmkin ekendigin aıtqan bolatyn. Alaıda buny Elbasy N. Nazarbaev teriske shyǵaryp, Májilis saılaýy óziniń ýaqytynda - 2012 jyly ótetindigin aıtty.
