Bıyl para alǵan qansha sheneýnik jazalandy

ASTANA. QazAqparat - Bıyl Sybaılas jemqorlyqqa qarsy is-qımyl ulttyq bıýrosy 2 myńnan astam quqyq buzýshylyqty anyqtady. Bul týraly búgin Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı ókili Janna Bastarova aıtty, dep habarlaıdy QazAqparat tilshisi.

«Bıylǵy 11 aıda Sybaılas jemqorlyqqa qarsy is-qımyl ulttyq bıýrosy 2 432 qylmystyq quqyq buzýshylyqty anyqtady. Onyń 1 778-i nemese 73 paıyzy syıbaılas jemqorlyqqa qatysty. Olardyń jartysynan kóbi, ıaǵnı 56 paıyzy paraqorlyq (1 778-diń 997-si), al 45 paıyzy jymqyrý faktileri», - dedi J. Bastarova.

Onyń sózine qaraǵanda, jalpy sybaılas jemqorlyq úshin 1 096 laýazymdy qyzmetker jaýapkershilikke tartylýda. Sonyń arasynda jıyrmasy respýblıkalyq deńgeıdegi basshylar, 83-i oblystyq jáne 134-i qalalyq ári aýdandyq deńgeıdegi basshylar.