Bıyl Ózbekstanmen shekara shegendeledi - QR Úkimeti
ASTANA. QazAqparat – Ózbekstanmen shekarany shegendeý týraly shartqa bıyl qol qoıylady. Bul jaıynda Senat depýtattarynyń saýalyna QR Premer-Mınıstri Álıhan Smaıylovtyń jaýabynda aıtylǵan, dep habarlaıdy QazAqparat tilshisi.
«Memlekettik shekarany mejeleý rásimi barlyq shekaralas memlekettermen júrgizildi. Tıisti halyqaralyq sharttar ratıfıkatsııalandy. Qytaımen, Túrikmenstanmen jáne Qyrǵyzstanmen memlekettik shekarany tolyq quqyqtyq resimdeý aıaqtalyp, shegendeý týraly tıisti halyqaralyq sharttar ratıfıkatsııalandy», - dedi Úkimet basshysy jaýabynda.
Onyń dereginshe, Ózbekstanmen shekarany shegendeý týraly shartqa osy jyldyń sońyna deıin qol qoıý josparlanyp otyr.
«Reseımen shegendeý rásimi aıaqtalý satysynda», - dep atap ótedi Álıhan Smaıylov.
