Bıyl ótken jylǵa qaraǵanda 1,5 mln tonna astyq kem bastyrylady
«Jyl basynan nan baǵasy qymbattap kele jatyr degenińiz durys emes. Sebebi jyldyń basynda osy jerde brıfıng ótkizip, nan baǵasyn ustap turý úshin Azyq-túlik kelisimshart korporatsııasy 100-150 myń tonnaǵa deıin astyqty nan pisiretin kombınattarǵa tómendetilgen baǵamen satatyndyǵyn aıtqanmyn. Sol bıdaıdyń 100 myń tonnasyn sattyq. Nannyń baǵasy sodan beri turaqty», - dedi mınıstr BAQ ókilderiniń saýalyna oraı.
Sonymen qatar ol aýa raıynyń qolaısyzdyǵyna baılanysty bıylǵy jyly 1-1,5 mln tonna astyq kem jınalatyndyǵyn aıtty.
«Astyqtyń kem jınalýy ishki naryqqa áser etpeıdi. Óıtkeni, 19 mln tonna astyq jınaıtyn bolsaq, onyń 9 mıllıony ishki naryqqa qalady. 7-8 mln tonnasyn eksportqa shyǵaramyz. Ar jaǵynda 2 mln taǵy qalady. Onyń ústine byltyrǵy jyldan qalǵan aýyspaly 1,5 mln astyq bar. Sonymen ishki naryqty qamtamasyz etýge astyq kólemi jetkilikti bolady. Buǵan qosa, nan pisiretin kásiporyndardy unmen, qus fabrıkalaryn jemdik astyqpen qamtamasyz etý úshin korporatsııa satyp alatyn 1 mln tonnanyń 150 myń tonnasyn nan pisirýshilerge, 100 myń tonnasynqus fabrıkalaryna rezervte ustap otyramyz», - dedi Saparhan Omarov.