Bıyl otbasylyq-turmystyq salada 668 qylmys jasaldy - ІІM

ASTANA. QazAqparat – Bıyl otbasylyq-turmystyq salada 668 qylmys jasaldy. Bul týraly Úkimet otyrysynda Іshki ister mınıstri Marat Ahmetjanov aıtty, dep habarlaıdy QazAqparat tilshisi.

«Qoldanystaǵy zańnamaǵa sáıkes, ótinishsiz polıtseıler «úı tırandaryn» jaýapqa tarta almaıdy. Nátıjesinde, jazasyzdyq óz betimen ketýge jol beredi. Qol jumsaý ádetke aınalady. Túbinde, aýyr zardaptarǵa aparady. Osy jyldyń ózinde otbasylyq-turmystyq salada 668 qylmys jasalǵan», - dedi Marat Ahmetjanov.

Onyń atap ótýinshe, mınıstrlik turmystyq zorlyq-zombylyq týraly sıgnaldarǵa tıisti is-sharalar qabyldap jatyr.

«Jyl basynan beri otbasynda janjal shyǵarýshylarǵa qatysty 35 myń ákimshilik hattama toltyryldy. Onyń ishinde sot sheshimi boıynsha 10 myńnan astam adam qamaýǵa alyndy. 8,5 myń adamǵa eskertý berildi. 675 adamǵa aıyppul salyndy. Jábirlenýshiniń qaýipsizdigin qamtamasyz etý úshin 67 myń qorǵaý nusqamasy shyǵaryldy», - dedi mınıstr.