Bıyl órt saldarynan qaza bolǵandardyń 65 paıyzdan astamy alkogoldik ishimdik paıdalanǵan adamdar - TJM
ASTANA. 28 jeltoqsan. QazAqparat /Rýslan Ǵabbasov/ - Bıyl órt saldarynan qaza bolǵandardyń 65 paıyzdan astamy alkogoldik ishimdik paıdalanǵan adamdar. Bul týraly búgin Astanada ótken baspasóz máslıhatynda QR TJM Órtke qarsy qyzmet komıtetiniń memlekettik órt qaýipsizdigin qadaǵalaý jáne anyqtaý basqarmasynyń bastyǵy Marat Hasenov málim etti.
«Mereke kúnderi adamdar bosańsyp, alkogoldik ishimdikterdi paıdalanady. Atap aıtqanda, bıylǵy jyly órt saldarynan qaza bolǵandardyń 65 paıyzdan astamy alkogoldik ishimdik paıdalanǵan adamdar boldy. Sondyqtan jańa jyldy merekeleý ýaqyty Tótenshe jaǵdaılar mınıstrliginiń órtke qarsy qyzmeti úshin aýyrtpalyq túsiredi»,-dedi basqarma bastyǵy
Onyń sózine qaraǵanda, meıram kúnderi oqıǵa oryndaryna shaqyrylymdar birneshe esege artatyn kórinedi. Jańa jyldy merekeleýdiń 3-4 kúninde de órt oqıǵalarynyń sany arta túsedi.
