Bıyl orman órti 20 paıyzǵa artty - mınıstrlik
«Jaqyn arada kún sýytyp, qar túsedi. Osy oraıda orman ári dala órti qateri de tómendeıdi. Jalpy, orman men dala órti boıynsha tıisti qorytyndy málimetti jarııalap ótpekpin. Bıyl elimizdiń aýmaǵynda daladaǵy órt kóp kezdesti. 2019 jylmen salystyrsaq, ósim eki ese boldy. Osy jyly dala órtiniń basym bóligi BQO aýmaǵynda tirkeldi», - dedi mınıstr Ortalyq kommýnıkatsııalar qyzmetinde.
Onyń sózine qaraǵanda, byltyrmen salystyrǵanda orman órti 20 paıyzǵa artqan.
«Aýqymdy jerdi qamtyǵan órt ShQO, Qostanaı oblysynda baıqaldy. Sáıkesinshe, orman qory úshin materıaldyq shyǵyn kólemi de artty. Bul turǵyda Orman sharýashylyǵy komıtetimen birlesken sharalardy pysyqtadyq. Osy oraıda kemshilikterdi joıý baǵytynda qajetti jumystar iske asyrylady. Birinshi kezekte komıettiń materıaldyq bazasyn jaqsartý, sondaı-aq jedel áreket etý maqsatynda bizdiń bólimshelerdi jumyldyrý qadamdary eskerildi», - dedi ıÝ. Ilın.