Bıyl orman órti 2,8, al órt aýdany 13 ese ulǵaıyp tur - QR TJM
ASTANA. 16 sáýir. QazAqparat - Ótken jylmen salystyrǵanda aǵymdaǵy jyly orman órti 2,8, al órt aýdany 13 ese ulǵaıyp tur.
Bul týraly búgin QR Tótenshe jaǵdaılar mınıstrliginde «2012 jylǵy órt qaýpi kezeńinde ormandy-dala órtteriniń aldyn alý jáne joıý» taqyrybynda ótken beınekonferentsııa barysynda Órtke qarsy qyzmet komıtetiniń tóraǵasy Serik Áýbákirov aıtty.
Onyń atap ótýinshe, aǵymdaǵy jyldyń basynan beri elimizdiń memlekettik orman qory aýmaǵynda 17 órt tirkelgen. Orman órtteriniń aýmaǵy 395 gektar aýmaqty quraǵan. Máselen, 12 sáýirde Pavlodar oblysynyń Lebıaji aýdanynda «Ertis ormany» tabıǵı rezervatynyń Besqaraǵaı fılıalynda 20 gektar orman órt qushaǵyna oranǵan. Sonymen qatar dál osy kúni Aqmola oblysynyń Aqkól aýdanynda dala órti ormanǵa aýyp, 1 gektar aýmaqqa jaıylǵan.
«Ótken jyldyń osyndaı kezeńimen salystyrǵanda orman órtteriniń sany 2,8 esege, al órt aýdandary 13 esege ósti», - dedi ol.
Komıtet tóraǵasynyń aıtýynsha, aǵymdaǵy jyly respýblıka aýmaǵynda jalpy aýmdany 179 gektardy quraıtyn 5 dala órti, sondaı-aq shaǵyn aýdanda 378 márte tilsiz jaýdyń tutaný deregi tirkelgen.
