Bıyl orman órti 1223 gektar alqapty sharpydy
ASTANA. QazAqparat - Orman órtinen kelgen shyǵyn 20 mln. teńgeden asty. Bul týraly búgin Ortalyq kommýnıkatsııalar qyzmetindegi brıfıngte QR TJM basshysy Vladımır Bojko málim etti.
«2014 jylǵy órt qaýpi kezeńi bastalǵannan bastap orman qory aýmaǵynda 250 órt oryn alyp, 2013 jyldyń sáıkes merzimimen salystyrǵanda olardyń sanynyń óskeni baıqaldy. Materıaldyq shyǵyn eki esege artyp, 20 mln. 634 myń teńgeni qurady. Atap aıtqanda, órt sharpyǵan orman aýdany 23 paıyzǵa azaıdy jáne ol 1223 gektar alqapty qamtydy»,-dedi mınıstr.
Munymen qosa, 15 dala órti tirkelip, ot jaıylǵan aýdan 19 898 gektarǵa jetti. Osy oraıda materıaldyq shyǵyn 3 mln. teńgeden astam qarjyny qurady. 2013 jyldyń sáıkes kezeńine qaraǵanda, dala órtteri 73 paıyzǵa ósti.
V. Bojkonyń sózine qaraǵanda, dala órtterin der kezinde anyqtaýǵa jerdi qashyqtyqtan barlaý ǵaryshtyq qyzmeti aıtarlyqtaı kómek kórsetýde.
