Bıyl Oraza aıynda 1,4 myń nárestege Ramazan esimi berildi

NUR-SULTAN. QazAqparat – Bıyl Oraza aıynda 1 443 sábıge Ramazan esimi berildi, dep habarlaıdy QazAqparat tilshisi.

Bıyl Oraza aıy 2 sáýirde bastalyp, 1 mamyrda aıaqtalǵan bolatyn.

Musylman jamaǵaty úshin osynaý qasıetti aıda elimizde dúnıe kelgen uldarǵa Ramazan esimi jıi qoıylǵan.

Naqtyraq aıtar bolsaq, QR Strategııalyq josparlaý jáne reformalar agenttigi Ulttyq statıstıka bıýrosynyń málimetinshe, sáýir aıynda dúnıege kelgen 1 392 balaǵa Ramazan esimi berilgen.

Jalpy, sol aıda uldarǵa qoıylǵan attardyń tanymal TOP-5-tiginde Aısultan (314), Álıhan (230), Nurıslam (138), Ámir (172) esimderi bar. Al qyzdarǵa Medına (592), Raıana (510), Aısha (445), Aılın (345) jáne Asylym (262) esimderi jıi qoıylǵan.

Ramazan esimi mamyr aıynda dúnıege kelgen 51 balaǵa da berilgen. Bul aıda da Aısultan (53) men Álıhan (53) jıi qoıylatyn esimder qatarynda tur. Sondaı-aq úzdik bestikke Ársen (34) men Omar (32) esimderi kirgen. Qyzdarǵa jıi qoıylatyn esimder bestigi ózgerissiz: Medına (87), Aılın (76), Raıana (69), Aısha (65) jáne Asylym (65). Mamyr aıynyń alǵashqy onkúndigi endi ǵana ótkenin eskersek, uldarǵa da, qyzdarǵa da qoıylatyn úzdik esimderdiń bestigi ózgerýi múmkin.