Bıyl «Operalııa - 2012» halyqaralyq festıvali Astana men Almaty qalalarynda 7-ret ótedi
ASTANA. 2 shilde. QazAqparat - Joǵarǵy klassıka óneriniń «Operalııa» festıvali 2005 jyldan bastap Astananyń týǵan kúni qarsańynda ótkizilip keledi. Atalmysh halyqaralyq festıvaldi jyl saıyn QR Mádenıet jáne aqparat mınıstrligi uıymdastyrýda.
«Operalııa» festıvaliniń arqasynda astana turǵyndary men qala qonaqtary ár jyly álemniń úzdik teatrlaryndaǵy balettiń kórnekti solısteri men tanymal opera ánshileriniń ónerimen tanysýǵa múmkindik alady.
Bıyl jetinshi ret ótkizilgeli otyrǵan bul óner merekesinde 3 shildede saǵat 19.00-de, Astanadaǵy «Qazaqstan» Ortalyq kontsert zalynda, al 7 shildede saǵat 19.00-de Almaty qalasyndaǵy Abaı atyndaǵy Memlekettik akademııalyq opera jáne balet teatrynda Sılvıa Dalla Benettanyń jáne Djýzeppe Varanonyń (Italııa) qatysýymen «Álemdik opera juldyzdary» gala kontserti ótedi.
Djýzeppe Varano (tenor) 16 jasynan bastap án aıta bastady. 2002 jyly Messın qalasynda Korellı atyndaǵy konservatorııany aıaqtady.
V 2002-2003 jyldary Parma qalasynda Artýro Toskanını Qorymen qurylǵan «Voci Verdine» kýrstarynda Allen Bıllarmen jáne Beppe de Tomazımen óz vokaldyq sheberligin shyńdady.
Italıandyq tenor Djýzeppe Varano 2002-2003 jyldary dırıjer Franko Dzeffırellı jetekshiligimen Býssetoda «Travıata» operasynda Alfred partııasyn oryndaı otyryp óz kásibı debıýtin jasaǵan.
2009-2010 jyldary Dj. Pýchchını «Bogema» operasynda Rýdolf partııasyn oryndap, Leıptsıg operalyq teatryna alǵashqy ret shyqty. Savonlın operalyq festıvalinde Dj. Pýchchınıdiń «Madam Batterflıaı» operasynda Pınkerton partııasyn oryndady.
Sol jyly Shveıtsarııada Helsınbýrg sımfonııalyq orkestrimen "Verdı rekvıemi" kontsertinde óner kórsetti.
2010-2011 jyldary Varano Medıson operalyq teatrynda Dj. Verdıdiń «Travıata» operasynan Alfred partııasyn alǵashqy ret AQSh-ta oryndady. Sondaı-aq Dj. Verdıdiń «Travıata» operasymen Oper Graz teatrynda alǵashqy ret óner kórsetti.
Ásirese 2009 jylǵy maýsym aıynda Prınsıpal teatrynda (Palma de Maıorka, Ispanııa) Faýst operasynda qatysýy, jáne de 2009 jyly shilde aıynda Dj. Pýchchınıdiń «Madam Batterflıaı» operasyndaǵy Pınkertonnyń partııasyn oryndaǵan Bolonıa qalasynda Kommýnale teatrynda alǵashqy ret óner kórsetkeni mańyzdy debıýt boldy.
Djýzeppe Varano Verdı men L. Berıonyń tenor men orkestrge arnalǵan 8 romansyn dırıjer Roberto Abbado jetekshiligimen Mılan sımfonııalyq orkestrimen oryndaǵan debıýti sátti boldy.
Óziniń shyǵarmashylyq qyzmeti jyldarynda Djýzeppe Varano álemniń kóptegen kontsertterine qatysty, onyń aıryqsha vokaldyq qabileti kórermenderden jáne óner synshylarynan joǵary baǵalandy.
Sılvııa Dalla Benetta - koloratýrlyq lırıkalyq soprano. Joǵary vokaldyq dıapazondy daýysy bar, Motsarttan bastap Rossınıge deıingi, Bellınıden Donıtsettıge deıingi belkantonyń barlyq partııalaryn sheber oryndaıdy.
1992 jyly Venetsııada Benedetto Marchello atyndaǵy mýzykalyq konservatorııany úzdik bitirdi jáne Sılva Stella, Salıo Vallı, Ida Adamı Korradettı, Romano Gandolfı, Denııa Matstsola, Loý Sherman sekildi oqytýshylarmen óziniń oqýyn jalǵastyrdy.
Sılvııa Dalla Benetta - Lınıano Sabbıadoro atyndaǵy halyqaralyq konkýrstyń, Antonı Býzzola dı Adrıa atyndaǵy halyqaralyq konkýrstyń jáne Tım dı Rom syılyǵynyń laýreaty. Padov qalasy Irıs Adamı Korradettı atyndaǵy halyqaralyq konkýrstyń stıpendıaty.
V 2004 jyly San-Remoda Operalyq Festıvalde halyq qazylarynan І syılyqqa jáne óner kórsetkeni úshin ІІ syılyqqa ıe boldy.
Sılvııa Dalla Benetta A. Allemandı, D.Kallegarı, F.M. Karmınatı, M. de Bernard, R, Gandolfı, S. Montanaro, P. Morandı, D. Oren, D. Renzettı, M. Rota, D. Ýebb, D. Kovatchev sekildi ataqty dırıjerlarmen jumys istedi. Gambýrgtegi Shtaatsoper, Genýıa qalasyndaǵy San-Karlo dı Fenıche teatry, Massımo dı Palermo teatry, Redjo dı Parma teatry, Trıest qalasynda Verdı teatry, Teatr lıa Fenıche dı Venetsııa, Verona qalasynda Fılarmonııalyq teatr sııaqty álemniń eń tanymal teatrlarynda óner kórsetti.
