Bıyl Ońtústik Qazaqstan oblysynda egis kólemi 788,6 myń gektardy qurady
ShYMKENT. QazAqparat - Bıyl Ońtústik Qazaqstan oblysynda aýyl sharýashylyq daqyldarynyń egis kólemi oblys boıynsha 788,6 myń gektardy qurady, dep habarlaıdy OQO ákimi apparatynyń baspasóz qyzmeti.
Dándi daqyldardyń orylatyn kólemi 260,4 myń gektardy qurap otyr. Onyń ishinde bıdaı men arpa - 214,4 myń ga, dándik júgeri - 40,0 myń gektar. Búgingi tańda 259,5 myń gektary nemese 99,6% orylyp, gektarynan 25,6 tsentnerden aınaldy. Barlyǵy 664,5 myń tonna astyq jınaldy. Oblysta 214,4 myń gektar alqaptaǵy bıdaı men arpany orý jumystary tolyǵymen aıaqtaldy. Gektar túsimdiligi ótken jylmen salystyrǵanda 4,2 tsentnerge artyp, 22,0 tsentnerden aınaldy. Barlyǵy 470 myń tonna ónim jınaldy. Sonymen qatar, bıyl dándik júgeri 40,1 gektar jerge egilgen bolatyn. Búgingi tańda 39,9 myń ga júgeri orylyp, 180,9 myń tonna dán jınaldy. Oblys boıynsha ár gektaryna 45,0 tsentnerden alyndy. Kúrish daqyly oblysta negizinen atalǵan aýdandarda qaıta tuzdanǵan alqaptardyń tuzdaný mólsherin azaıtý maqsatynda agrotehnıkalyq shara retinde ǵana egiledi. Kúrish daqylynan gektar túsimdiligi 59 tsentnerden aınalyp, 18,0 myń tonna ónim jınalady, dep boljanyp otyr. Búgingi tańǵa 2,2 myń ga orylyp, ár gektarynan 58,5 tsentnerden 12,7 myń tonna ónim jınaldy. Orý jumystaryn qazan aıynyń 15 juldyzynda aıaqtaý mejelenip otyr.
