Bıyl onkologııalyq aýrýlarǵa járdem salasyna 10 mlrd. teńge bólinip otyr

Búgin Májilistiń «Nur Otan» HDP fraktsııasy  janyndaǵy Áleýmettik keńestiń otyrysynda «Qazaqstan Respýblıkasynda onkologııalyq kómekti damytý týraly» baǵdarlama jobasyn talqylaý barysynda Densaýlyq saqtaý vıtse-mınıstri Erik Baıjúnisov osylaı málim etti.  

«Baǵdarlamany ázirleý barysynda biz onkologııalyq aýrýlarǵa járdem berý júıesindegi álemdik tájirıbelerdi zerdelep shyqtyq.  Búgingi kúni bizdiń elimizde jyl saıyn 30 myńnan astam adam qaterli isik aýrýymen aýyrady. 144 myńnan astamy dıspanserlik esepte tur. Kún saıyn osy aýrýǵa qatysty 8 jaǵdaı tirkeledi», - deıdi E. Baıjúnisov. Onyń aıtýynsha, búgingi kúni elimizdegi jalpy onkologııalyq aýrýlarǵa qatysty basty másele - dertti erte bastan anyqtaý deńgeıi. Sonymen qatar, keńes odaǵynan keıingi jyldary onkologııalyq aýrýlarǵa qatysty baza saqtalyp qalǵanyn aıtqan vıtse-mınıstr, sońǵy jyldary ǵana bul baǵytqa erekshe nazar aýdaryla bastaǵanyn atap ótti. Máselen, bıyl statsıonarlyq jáne ambýlatorııalyq emdeýge qatysty tolyqtaı dári-dármekpen qamtylǵan. «Eger 2004 jyly onkologııalyq qyzmet bar-joǵy 830 mln. teńgege qarjylandyrylǵan bolsa, 2012 jyly osy baǵyttaǵy qarajat mólsheri 10 mlrd. teńgeden asady», - deıdi vıtse-mınıstr.