Bıyl óńirlerde 4 myńnan astam shaqyrym jol jóndeledi
«Respýblıkalyq mańyzǵa ıe joldardyń jaǵdaıyn jaqsartýmen qatar, QR Indýstrııa jáne ınfraqurylymdyq damý mınıstrligi jergilikti atqarýshy organdar – ákimdikterge de qoldaý kórsetedi. Oblystyq jáne aýdandyq mańyzy bar avtojoldardy damytýǵa 2020 jyly 208 mlrd teńge baǵyttalsa, onyń 115 mlrd teńgesi respýblıkalyq bıýdjetten, 93 mlrd teńgesi jergilikti bıýdjetten bólinbek. Nur-Sultan, Almaty jáne Shymkent qalalarynyń kóshe jelisin damytýǵa 50,2 mlrd teńge bólinse, 4,1 mlrd teńgege elorda men Almaty qalasy mańyndaǵy jer telimderi satylyp alynady. Jalpylaı alǵanda, 350 joba iske asyrylmaq. Osylaısha, jyl qorytyndysy boıynsha jergilikti jol jelisiniń sapasyn 75% deıin jetkizý josparlanǵan. Ótken jyly bul kórsetkish 71% quraǵan edi», - delingen QR IIDM málimetinde.
2019 jyly jóndeý jumystarymen qamtylǵan jergilikti joldardyń jalpy uzyndyǵy 4 617 shaqyrymdy qurady. 386 joba iske asyryldy. Jalpy jergilikti jol jelisin damytýǵa 260,7 mlrd teńge, sonyń ishinde oblystyq jáne aýdandyq mańyzǵa ıe joldardy damytýǵa 203 mlrd teńge, Nur-Sultan, Almaty jáne Shymkent qalalarynyń kóshe jelisin damytýǵa 57,7 mlrd teńge bólingen bolatyn.
Eske sala keteıik, Qazaqstandaǵy oblystyq jáne aýdandyq mańyzy bar joldardyń jalpy uzyndyǵy 70,9 myń shaqyrymdy quraıdy. Jóndeý jumystary josparǵa sáıkes qarqynmen júzege asyrylǵan jaǵdaıda jaqsy jáne qanaǵattandyrarlyq jaǵdaıdaǵy jergilikti joldar jelisiniń úlesi 2025 jylǵa qaraı 95% deıin jetkiziledi.
