Bıyl óńirlerde 30 modýldik polıtsııa beketi ornatylady
NUR-SULTAN. QazAqparat – Osy jyldyń sońynda deıin respýblıka óńirlerinde 30 modýldik polıtsııa beketi ornatylady. Bul týraly QR ІІM Ákimshilik polıtsııa komıteti tóraǵasynyń orynbasary Serik Túsipov aıtty, dep habarlaıdy QazAqparat tilshisi.
Onyń atap ótýinshe, bıyl Qazaqstanda 36 modýldik polıtsııa beketin ornatý kózdelgen. Qazirgi ýaqytta olardyń 5-eýi Aqtóbe oblysynda, eki-ekiden Soltústik Qazaqstan men Túrkistan oblystarynda ornatylǵan. Osylaısha, 2019-2020 jyldary salynǵan beketterdi qosqanda olardyń sany búginde 58-ge jetip otyr.
«Nur Otan» partııasynyń saılaýaldy baǵdarlamasyn oryndaý jónindegi jol kartasyna sáıkes, ákimdikter 5 jyldyń ishinde óńirlerde 176 modýldik beket ornatýy tıis. Bul san aýmaqtyq polıtsııa departamentteriniń ótinimi negizgi aıqyndalǵan. Osy jyldyń sońyna deıin Jol kartasyna sáıkes, mundaı taǵy 30 beket ornatylylady. Bul jumys qazir júrgizilip jatyr»,- dedi komıtet tóraǵasynyń orynbasary.
Serik Túsipovtiń aıtýynsha, beketterdi qarjylandyrý ótinimin jergili máslıhattar qarastyryp jatyr. Al ákimdikter jer ýchaskesi máselesin sheshetin bolady.
«Beketter ornatylatyn oryn retinde qala alańdary, saıabaqtar, turǵyn úı shaǵyn aýdandary jáne ózge de adamdar kóp jınalatyn jerler aıqyndalǵan», - dedi ol.
