Bıyl óńirlerde 10 mlrd teńgege 1370 jańa avtobýs satyp alynady

NUR-SULTAN. QazAqparat - Qazirgi ýaqytta el boıynsha qalalyq avtobýs baǵyttarynda shamamen 10,5 myńdaı avtobýs júr. Onyń 43%, ıaǵnı 4,5 myńdaı avtobýstyń shyǵarylǵan jyly 7 jyldan asyp ketken, dep habarlaıdy QazAqparat.

Indýstrııa jáne ınfraqurylymdyq damý mınıstrliginiń málimetinshe, óńirlerde avtobýs parkin jańartý maqsatynda ótken eki jylda respýblıkalyq bıýdjetten 33,5 mlrd teńge bólingen. Bul qarajatqa óńirlerde Qazaqstanda shyǵarylǵan 693 avtobýs satyp alyndy.

Al bıyl bul maqsatqa respýblıkalyq bıýdjetten 10 mlrd teńge qaralǵan. Oǵan óńirler 1370 avtobýs satyp alýdy josparlap otyr.

2020 jyldan bastap áleýmettik mańyzdy baǵyttarda qyzmet etetin tasymaldaýshylar qosymsha qun salyǵyn tóleýden 3 jylǵa bosatylady.

Bul sharalar jolaýshylarǵa kórsetiletin qyzmet sapasyn arttyryp, otandyq óndirýshilerdi qoldaýǵa baǵyttalǵan.