Bıyl OQO-da 521 egiz náreste dúnıege keldi
ASTANA. QazAqparat - Osy jyldyń segiz aıynda Ońtústik Qazaqstan oblysynda 53051 náreste dúnıe esigin ashty, onyń 521-i egiz bolsa, tórteýi - úshem.
Bul týraly oblys ákimdiginiń baspasóz qyzmetinen málim etti.
Aıta keteıik, Qazaqstandaǵy árbir besinshi bala Ońtústik Qazaqstanda ómirge keledi. Elimiz Táýelsizdigin alǵannan keıin densaýlyq saqtaý salasyn qarjylandyrýdy arttyrý esebinen jańa medıtsınalyq mekemeler salyndy.
Materıaldyq-tehnıkalyq jabdyqtaý jaqsardy. Zamanaýı qural-jabdyqtar men qondyrǵylar oblys ortalyǵynda ǵana emes, aýdandar men qalalarda ornatylǵan. Osynyń nátıjesinde, óńirde ana men bala ólimi azaıyp, týý kórsetkishi artyp keledi.
Ótken jyldyń sáıkes kezeńinde Ońtústik Qazaqstan oblysynda 52636 sábı dúnıe esigin ashty.
