Bıyl OQO-da 3 ınvestıtsııalyq forým ótkiziledi
«Qadirmendi halaıyq! Memleket basshysy Nursultan Ábishuly Nazarbaev meni qabyldaý kezinde Ońtústik Qazaqstan oblysyna tartylatyn ınvestıtsııa kólemin kóbeıtýdi tapsyrǵanyn estidińizder. Jalpy, oblysymyz ınvestıtsııaǵa tartymdy óńir bolyp tabylady. Endi biz Elbasynyń tapsyrmasyn tııanaqty túrde júrgizý úshin bul baǵytta jańa jobalar jasap otyrmyz», - dedi óńir basshysy.
Jumystardy jandandyryp, jolǵa qoıý úshin jyl sońyna deıin 3 ınvestıtsııalyq forým ótkizýdi josparlap otyrǵanyn aıtqan Janseıit Qanseıtiuly onyń bireýi aqpan aıynyń basynda «Qazaqstan-Túrkııa» ınvestıtsııalyq forýmy retinde ótkenin eske saldy. 70 kompanııanyń jetekshileri qatysqan shara aıasynda 4 yntymaqtastyq jóninde memorandýmǵa qol qoıylǵan bolatyn.
Oblys basshysynyń málimetinshe, kelesi ekinshi forým sáýir aıynda ótpek. Onda Qazaqstan men Saýd Arabııasy elderiniń 40-tan kompanııasynan kelgen ókilderdiń qatysýymen eki jaqty kezdesý uıymdastyrylatyn bolady. Al mamyr aıynda «Ontustik Іnvest-2017» halyqaralyq ınvestıtsııalyq forýmy josparlanyp otyr. Oǵan 30 memleketten 700-ge jýyq delegat qatysady dep kútilýde.
Budan bólek, aımaq ákimi mashına jasaý, týrızm, aýyl sharýashylyǵy, toqyma, «Aqyldy qala» salalary boıynsha yntymaqtastyq ornatý, tájirıbe almasý maqsatynda Germanııa, Ulybrıtanııa, Grýzııa, Ispanııa, Italııa, Túrkııa, Reseı jáne t.b. memleketterine resmı sapar josparlanyp jatqanyn jetkizdi.
«Mundaı sharalar óńirimizdiń ınvestıtsııalyq múmkindikterin tanystyryp, jańa áriptestik qatynas ornatýǵa múmkindik beredi. Biz ınvestorlardyń Ońtústikte ornyǵýy úshin barlyq kómegimizdi usynamyz», - dedi J.Túımebaev.