Bıyl OQO-da 17 iri jobany iske qosý josparlanǵan

ASTANA. QazAqparat - OQO-da kompıýterlik saýattylyq deńgeıi 80 paıyzǵa jetti. Bul týraly Ońtústik Qazaqstan oblysynyń ákimi Janseıit Túımebaev málim etti, dep habarlaıdy QazAqparat.

«Tsıfrlyq Qazaqstan» memlekettik baǵdarlamasynyń kórsetkishterine sáıkes, 2020 jyly kompıýterlik saýattylyq deńgeıin 80 paıyzǵa jetkizý kerek bolsa, 2016 jyldyń qorytyndysy boıynsha OQO-da bul kórsetkish 79,2 paıyzdy qurap otyr. «Aqyldy qala» jobasy aıasynda «Smart Ontustik» jobasynyń tujyrymdamasy ázirlenýde. Ol ındýstrıaldyq-áleýmettik máselelerdi sheshýge baǵyttalatyn bolady», - dep toqtaldy ákim Ortalyq kommýnıkatsııalar qyzmetindegi baspasóz máslıhatynda.

Onyń sózine qaraǵanda, 2015-2019 jaldarǵa arnalǵan Indýstrıalandyrý baǵdarlamasy aıasyndaǵy respýblıkadaǵy 630 jobanyń 135-i nemese 21,4 paıyzy osy oblystyń úlesinde. Baǵdarlama oblysta iske asyrylǵannan beri jalpy quny 206,6 mlrd teńgege, 9,5 myń jańa jumys ornyn quraıtyn 159 joba iske qosylyp, 101 mlrd teńgeniń ónim óndirildi.

Ústimizdegi jyly baǵdarlama aıasynda 37 mlrd teńgeniń 17 jobasyn iske qosý, 900-den astam jańa jumys ornyn qurý josparlanyp otyr. 3 aıda 1,7 mlrd teńgeni quraıtyn 3 joba júzege asty.