Bıyl Nur-Sultanda bes muǵalim týberkýlezge shaldyqqan
NUR-SULTAN. QazAqparat – Іndetke qarsy ýaqytyly qabyldanǵan sharalardyń arqasynda Nur-Sultan qalasyndaǵy mektepterde týberkýlezge shaldyǵýdyń aldy alyndy. Taýarlar men qyzmetterdiń sapasy men qaýipsizdigin baqylaý departamenti №60 orta mektep muǵaliminiń týberkýlezben aýyrýyna qatysty pikir bildirdi, dep habarlaıdy QazAqparat atalmysh departamentke silteme jasap.
«Muǵalim ózin jaısyz sezinip, emhanaǵa barǵan kezde «týberkýlez» degen dıagnoz qoıylǵan. Qazir №60 mektepte is-sharalar júrgizilip jatyr. Onymen baılanysqa túsken aınalasyndaǵy adamdar anyqtalyp, profılaktıkalyq tekserý júrgizilýde» delingen habarlamada.
2019 jyly qaladaǵy mektepterde (№84, 74, 73, 80, 60 mektepter) jumys isteıtin muǵalimder arasynda 5 ret týberkýlezge shaldyǵý faktisi anyqtaldy. Departament qyzmetkerleri týberkýlezge shaldyǵýdyń barlyq jaǵdaıy boıynsha mektepterde jospardan tys tekserý júrgizip, olarmen baılanysqa túsken adamdar anyqtaldy. Іndet oshaǵynda qorytyndy dezınfektsııa uıymdastyryldy.
Ýaqytyly júrgizilgen indetke qarsy sharalardyń arqasynda atalǵan mektepterde qaıta týberkýlezge shaldyǵýdyń aldy alyndy.
Jalpy bilim beretin mektepterde týberkýlez profılaktıkasy úshin mynadaı keńes beriledi:
- mektep dırektorlary óz qyzmetkerlerin jyl saıyn profılaktıkalyq flıýorotekserýden ótkizýi tıis;
- Jumysqa qabyldar kezde qyzmetkerdiń medıtsınalyq tekserýden ótýin talap etý.
Ótken kezeńde qala boıynsha 395 606 adam flıýorotekserýden ótken, sonyń ishinde 237 adamnyń týberkýlezge shaldyqqqany anyqtaldy.
