Bıyl Nur-Sultanda 11 medıtsınalyq ambýlatorııa ashylady
NUR-SULTAN. QazAqparat – Turǵyn úıde ashylatyn dárigerlik bekette medıtsınalyq qyzmettiń birneshe túri kórsetiledi, dep habarlaıdy QazAqparat tilshisi.
«Bizdiń aldymyzda medıtsınalyq–sanıtarlyq alǵashqy kómekpen halyqty qamtý maqsatynda, jalpy praktıka dárigeri bar nysandardy kóptep ashý mindeti tur. Osy oraıda 2019 jyldyń sońyna deıin Nur-Sultan qalasynda 11 medıtsınalyq ambýlatorııa (úı dárigeri) ashylady. Onyń ishinde medıtsınalyq qyzmettiń birneshe túri kórsetiletin bolady. Atap aıtqanda, dárigerlik konsýltatsııa alý jáne dıagnostıkadan ótý, ońaltý jáne qaıta qalpyna keltirý kómekteri, sondaı-aq stomatolıgııalyq qyzmet túrleri bar. Sol sııaqty dárigerlik ambýlatorııalar qajetti medıtsınalyq jabdyqtarmen qamtamasyz etiletin bolady», - dedi qalalyq qoǵamdyq densaýlyq saqtaý basqarmasynyń basshysy Sáýle Qısyqova ákimdikte ótken baspasóz máslıhatynda.
Buǵan deıin habarlaǵanymyzdaı, atalǵan basqarma basshysy 1 mln-nan astam elordalyqtyń MÁMS jarnasyn tólep jatqandyǵy týraly málim etti.
