Bıyl Nazarbaev Ýnıversıtetine 500 grant bólingen
ASTANA. QazAqparat - Bıyl Nazarbaev Ýnıversıtetine 500 grant bólingen. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde keshendi testileý qorytyndylaryna arnalǵan brıfıng barysynda Bilim jáne ǵylym vıtse-mınıstri Tahır Balyqbaev málim etti.
«Qazaqstan Respýblıkasyndaǵy joǵary oqý oryndaryna maqsatty baǵyttaǵy memlekettik grant oryndary da aıqyndaldy. Atap aıtqanda, túrki tildes memleketter azamattary úshin Qoja Ahmet ıAsaýı ýnıversıtetinde oqýǵa - 200 grant, Qazaqstan azamattaryna Máskeý memlekettik ýnıversıtetinde oqýǵa - 125 grant, Nazarbaev Ýnıversıteti oqý ornyna - 500 grant, Mońǵolııa azamattary úshin Shyǵys Qazaqstan Memlekettik ýnıversıtetine - 25 grant, Aýǵanstan azamattaryna 54 grant bólinip otyr», - deıdi vıtse-mınıstr. Onyń aıtýynsha, óner salasynyń oqý oryndaryna jeke 770 grant qarastyrylǵan.
«Qazirgi tańda mınıstrlik konkýrstyq negizde túlekterdiń memlekettik grant boıynsha bilim alatyn joǵary oqý oryndarynyń tizimin anyqtady. Bul rette respýblıkamyzdyń 69 joǵary oqý orny memlekettik granttar boıynsha túlekterdi bakalavr deńgeıimen oqytýǵa qabyldaı alatyn bolady», - deıdi T. Balyqbaev.
Toqtala ketetin jaıt, 23 shildeden bastap 3 shildege deıin Qazaqstan joǵary oqý oryndarynyń bilim granttaryna ótinish qabyldaý bastalǵan bolatyn. Bıylǵy jyly memlekettik tapsyrystyń kólemi 34 myń 165 grantty qurap otyr. Al joǵary oqý oryndaryna ıe bolǵan memlekettik grant ıeleriniń tizimi tamyz aıynyń birinshi onkúndiginde belgili bolady.
