Bıyl Naýryz meıramynda qazaqstandyqtar bes kún demalady
ASTANA. Naýryzdyń 18-i. QazAqparat - Bıyl Naýryz meıramyna oraı qazaqstandyqtar bes kún demalatyn bolady.
2009 jylǵy sáýirdiń 22-sinde Memleket basshysy «Qazaqstan Respýblıkasyndaǵy merekeler týraly» QR Zańyna ózgertýler men tolyqtyrýlar engizý týraly» zańǵa qol qoıǵan bolatyn. Zań «Naýryz meıramy» merekesin naýryzdyń 21-inen 23-ine deıin uzartý jáne buryn qazannyń 25-inde atalyp kelgen Respýblıka kúnin alyp tastaýdy kózdeıdi.
«Qazaqstan Respýblıkasyndaǵy merekeler týraly» zańǵa sáıkes ulttyq jáne memlekettik merekeler demalys kúnderi bolyp sanalady. Demalys kúnderi merekelik kúnderge sáıkes kelse, merekeli kúnnen keıin demalys beriledi.
Bıyl naýryzdyń 21-i jeksenbige tuspa-tus kelgendikten demalys kúni aýystyrylady. Sóıtip, qazaqstandyqtar Naýryz meıramyna oraı bes kún: naýryzdyń 20-sy, 21-i, 22-si, 23-i jáne 24-i kúnderi demalady.
2001 jyldan bastap Naýryz memlekettik mereke bolyp jarııalanady.
Shyǵys kúntizbesi boıynsha Naýryz - jańa jyldyń alǵashqy kúni - kúnniń kóktemgi teńelý kúnine sáıkes keledi.
