Bıyl náreste kútimi boıynsha 152 myń járdemaqy SMS arqyly rásimdeldi
«Azamattarǵa arnalǵan úkimet» memlekettik korporatsııasynyń málimetine qaraǵanda, bul 2021 jyldaǵy kórsetkishpen salystyrǵanda eki esege kóp.
Áleýmettik saladaǵy eń suranysqa ıe memlekettik qyzmetterdiń biri – bala týý jáne onyń kútimi boıynsha tólenetin járdemaqylardy resimdeý. Bala ómirge kelgennen keıin onyń anasyna járdemaqy alýǵa ótinish berý týraly SMS-habarlama keledi. Bul habarlamaǵa oń jaýap berip, járdemaqy tólenetin banktiń shot nómirin kórsetý kerek. Ary qaraı bala týý jáne bir jasqa deıingi bala kútimi boıynsha járdemaqylar proaktıvti túrde resimdeletin bolady. Bul qyzmetti paıdalaný úshin mobıldi azamattar bazasynda tirkelý kerek.
Osylaısha, 2022 jyldyń bes aıynda bala týý jáne bala kútimi boıynsha 152 298 myń járdemaqy rásimdeldi, bul 2021 jyldaǵy kezeńmen salystyrǵanda 2,2 ese kóp (66 894 myń).
Aıta keteıik, bala týý boıynsha járdemaqy mólsheri balalar sanyna baılanysty. Birinshi, ekinshi jáne úshinshi balanyń týýyna baılanysty járdemaqy – 120 840 teńge (2022 jyly 38 AEK), odan keıingilerine – 200 340 teńge (63 AEK).
Jumys istemeıtin áıelder úshin bir jasqa deıingi bala kútimi boıynsha járdemaqy kólemi:
Birinshi balaǵa – 18 317 teńge (5,76 AEK);
Ekinshi balaǵa – 21 656 teńge (6,81 AEK);
Úshinshi balaǵa – 24 963 teńge (7,85 AEK);
Tórtinshi jáne odan kóp balaǵa – 28 302 teńge (8,90 AEK).
Eske sala keteıik, budan buryn jer telimderin Halyqqa qyzmet kórsetý ortalyqtarynda rásimdeýge bolatynyn jazǵan edik.
