Bıyl myńǵa jýyq aýylǵa joǵary jyldamdyqty ınternet tartylady

ASTANA. QazAqparat - «Qazaqtelekom» AQ damýdyń 2028 jylǵa deıin strategııasyn ázirledi, ol boıynsha basymdyq tsıfrlandyrýǵa beriledi. Bul týraly «Tsıfrlyq Qazaqstan» memlekettiń baǵdarlamasynyń Feısbýk paraqshasynda málim etilgen, dep habarlaıdy QazAqparat tilshisi.

Habarlamada kórsetilgendeı «Qazaqtelekom»-nyń damý strategııasyna qyzmet kórsetýdiń sapasyn arttyrýdan bólek, blokcheındi damytýdyń platformasy, ınternet taratý jáne «aqyldy qala» jobalary kiredi.

Elimizdiń telekommýnıkatsııa salasynda taǵy qandaı jańalyqtar iske asyrylatyny týraly «Qazaqtelekom» AQ-nyń Strategııalyq basqarý boıynsha bas dırektory Batyr Mahanbetájıev málimdegen.

«Ótken jyly biz úshin jańalyq memlekettik-jeke áriptestik boldy, ol boıynsha «Qazaqtelekom» talshyqty-optıkalyq jeli baılanysynyń qurylysy men aýyldardy keńjolaqty ınternetpen qamtamasyz etýge jaýapty. Joba boıynsha negizgi basymdyq 2019 jylǵa berilmek, búginde alǵashqy bolyp ShQO jáne Pavlodar oblystarynyń memlekettik mekemelerine keńjolaqty ınternet qosyldy. Jobany júzege asyrý barysynda elimizdiń 828 aýylynda keńjolaqty ınternet paıda bolýy tıis», -deıdi ol.

Sonymen qatar, onyń aıtýynsha sońǵy jyldardaǵy naryqtaǵy basty tendentsııanyń biri - mobıldilik bolyp otyr. 2018 jyly mobıldik qurylǵylar jáne braýzerden mobıldi qosymshalarǵa kóshý trendke aınaldy. Búginde Qazaqstanda smartfondardyń úlesi 50% quraıdy.

«Bıylǵy jyldyń taǵy bir mańyzdy jańalyǵy, Qazaqstan áleýmettik medıa qoldanýshylar sany joǵary qarqynmen ósip otyrǵan elderdiń ondyǵyna endi. Búginde Netflix ınternettegi barlyq vıdeo trafıktiń 15% qamtamasyz etse, Facebook pen Instagram birigip 80% áleýmettik jeliniń trafıgin qamtıdy. Al Amazon-nyń Alexa atty dybys kómekshisi tanymaldylyǵy jaǵynan Siri-di basyp ozdy», - dedi «Qazaqtelekom» ókili.

Odan bólek, B. Mahanbetájıev «Qazaqtelekom»-nyń ınternet taratýmen qatar blokcheın, «aqyldy qala», «aqyldy úı» jáne basqa da baǵyttary ınnovatsııalyq bıznestiń platformasyna aınalatynyn aıtyp ótti.