Bıyl myńǵa jýyq almatylyq kásibı kýrstan ótedi
«Bıyl jospar boıynsha «Eńbek» nátıjeli jumyspen qamtý men jappaı kásipkerlikti damytý baǵdarlamasy aıasynda qysqa merzimdi kýrs boıynsha myńǵa jýyq qala turǵynyn oqytpaq nıettemiz», - dep jazdy Baqytjan Saǵyntaev.
Sonymen qatar, ol búginde oqýǵa 409 adamnan ótinish túskenin atap ótti. Kýrsta kondıter, aspaz, shashtaraz, tyrnaq qyzmetiniń sheberi, bet árleýshi, dánekerleýshi, býhgalter, veb-dızaıner, modeler-pishýshi, týrıst agenti, is júrgizýshi, uıymdastyrý tehnıkasynyń operatory, tiginshi, kıim konstrýktory, massajıst mamandyǵyn tańdaýǵa bolady.
«Atameken» UKP reestriniń quramyna kiretin oqý ortalyqtarynyń tizimi de anyq. Almaty qalasynyń jumyspen qamtý ortalyǵymen 41 mamandyq boıynsha 34 oqý ortalyǵy ózara baılanys ornatýǵa daıyn. Sonyń ishinde 28 oqý ortalyǵy onlaın túrde, altaýy offlaın rejıminde oqý júrgizedi. Jumyspen qamtý ortalyǵy, oqý ortalyǵy, jumys berýshi men kýrsqa qatysýshynyń arasynda tórt jaqty kelisim-shart jasalady.
«Oqý uzaqtyǵy tańdaǵan mamandyǵyna qaraı 1 aıdan 3 aıǵa deıin sozylady. Oqý kezinde shamamen 21 myń teńge kóleminde stıpendııa tólenedi. Kýrs aıaqtalysymen sertıfıkat berilip, jumysqa ornalasýǵa kómek kórsetiledi. Sonymen qatar, bilim alýshylarǵa bıznes-ıdeıany iske asyrý úshin óteýsiz grant alý múmkindigi bar»,-dep atap ótti Almaty ákimi.
Kýrsqa jazylyp, oqý oqý úshin Jumyspen qamtý ortalyǵyna kelip, jumyssyz retinde tirkelý qajet. Bul baǵdarlama Almatyda turaqty tirkeýde bar nemese qalada turǵylyqty jeri boıynsha alty aıdan astam merzimge ýaqytsha tirkelgen qala turǵyny úshin qoljetimdi.
Kýrsqa jazylý úshin Nazarbaev dańǵyly, 50 meken-jaıy boıynsha Almaty qalasy ákimdiginiń Halyqty jumyspen qamtý ortalyǵyna júginý qajet. Tel.: +7 (727) 310 21 31.
