Bıyl munaı jáne gaz-hımııa ónimderi óndirisiniń kólemi qandaı bolmaq

NUR-SULTAN. QazAqparat – 2021 jyly munaı-gaz-hımııa ónimderin óndirýdi 400 myń tonnaǵa jetkizý josparlanyp otyr. Bul týraly QR Energetıka mınıstrliginiń alqa májilisinde vedomstvo basshysy Nurlan Noǵaev aıtty, dep habarlaıdy QazAqparat tilshisi.

«Búgingi tańda Qazaqstanda munaı-gaz sektoryn shıkizattyq baǵyttan qosylǵan quny joǵary ónim shyǵarýǵa, ıaǵnı joǵary bólinistegi munaıgaz-hımııa ónerkásibin damytýǵa qaıta baǵdarlaý boıynsha jumys júrgizilýde. Jańa kásiporyndar iske qosylyp, hosh ıisti kómirsýtekter, maılar men polıpropılen óndirýshi jumys istep turǵan zaýyttardyń ónim shyǵarý kóleminiń ulǵaıýyna baılanysty jyl saıyn munaı jáne gaz-hımııa ónimderi óndirisiniń ósýi baıqalady. Osylaısha, 2020 jyly 360 myń tonna ónim shyǵaryldy, bul 2016 jylmen salystyrǵanda 4 ese artyq. Eksporttalǵan ónimderdiń úlesi 80 paıyz», - dedi mınıstr.

Bul rette, olardyń qoldanystaǵy qýaty 41 paıyzdy nemese 360 myń tonnany quraıdy.

Al 2021 jyly munaı jáne gaz-hımııa ónimderin óndirýdi 400 myń tonnaǵa jetkizý kózdelip otyr.