Bıyl munaı óndirý kólemi tómendeıdi
«2019 jylǵa arnalǵan negizgi makrokórsetkishterdiń boljamyn naqtylaýdyń negizgi faktorlary 2018 jylǵa jalpy ishki ónim dereginiń jarııalanýy, taý-ken ónerkásibi men qyzmet kórsetý sektorynyń ósý qarqynynyń ózgerisi bolyp sanalady. Máselen, 2018 jyly jalpy ishki ónim kólemi 58,8 trln teńgeni qurady. Bul 2019 jyldy baǵalaý úshin jaqsy baza bolyp tabylady. 2018 jylmen salystyrǵanda munaı óndirý 1,4 mln tonnaǵa nemese 1,5 paıyzǵa tómendeıdi. Bul taý-ken ónerkásibiniń tómenirek ósý qarqynyn qalyptastyrady»,- dedi ol.
Alaıda, mınıstrdiń aıtýynsha qyzmet kórsetý sektory boıynsha neǵurlym joǵary ósim kútilip otyr. Qyzmet kórsetý sektory ósiminiń negizi ishki suranystyń ulǵaıýy bolyp sanalady. Syrtqy jáne ishki faktorlardy eskere otyryp, boljam aıasynda 2019 jylǵa arnalǵan bazalyq parametrler buryn maquldanǵan deńgeıde saqtaldy. ıAǵnı, munaı baǵasy bir barreline 55 AQSh dollary, teńge baǵamy bir AQSh dollary úshin 370 teńge, jyldyq ınflıatsııanyń nysanaly dálizi 4-6 paıyz bolyp qalady.
«Sondaı-aq aýyl sharýashylyǵynyń, qurylystyń, saýdanyń, kólik jáne qoımalaýdyń ósý boljamy saqtaldy. Ónerkásip ósimi 1,6 paıyzdy quraıdy. Bul rette óńdeý ónerkásibi taý-ken ónerkásibine qaraǵanda kóbirek ósedi. Eksport 54,4 mlrd AQSh dollaryna deıin, ıaǵnı 0,3 mlrd AQSh ósti. Import kólemi 32,9 mlrd AQSh dollary deńgeıinde saqtaldy. Damýdyń joǵaryda atalǵan faktorlaryn eskere otyryp, 2019 jylǵa jalpy ishki ónimniń naqty ósimi 3,8 paıyz deńgeıinde baǵalanyp otyr. 2019 jylǵa nomınaldy jalpy ishki ónim 64,3 tlrn teńge kóleminde boljanýda, bul burynǵy baǵalaýdan 323,5 mlrd teńgege artyq. Jan basyna shaqqandaǵy jalpy ishki ónim 9 409 AQSh dollaryn quraıdy», - dedi Rýslan Dálenov.
