Bıyl munaı baǵasy 16%-ǵa tómendeıdi - Halyqaralyq valıýta qory

VAShINGTON. TASS – QazAqparat – Halyqaralyq valıýta qory (HVQ) bıyl munaı barreliniń baǵasy 16,2 paıyzǵa arzandap, 81,13 dollarǵa deıin tómendeıdi dep boljaıdy. Bul týraly HVQ-nyń dúısenbide jarııalanǵan jahandyq ekonomıkanyń damý perspektıvalary týraly baıandamasynyń qańtardaǵy jańartylǵan málimetinde aıtylǵan, dep habarlaıdy QazAqparat TASS-qa silteme jasap.

«2023 jyly munaı baǵasy shamamen 16%-ǵa tómendeıdi, al janarmaıǵa jatpaıtyn shıkizat taýarlardyń baǵasy orta eseppen 6,3%-ǵa tómendeıdi dep kútilýde», - dep atap ótti baıandama avtorlary.

«2022 jylǵy 29 qarashadaǵy fıýcherstik naryqtarda eseptelgen ortasha boljamdy baǵa 2023 jyly 81,13 dollar jáne 2024 jyly 75,36 dollar bolady», - delingen.

Osylaısha, kelesi jyly munaı baǵasy 7,1 paıyzǵa tómendeıdi.

HVQ-nyń paıymdaýynsha, «energııa naryqtary Ýkraınadaǵy janjaldan týyndaǵan (ekonomıkalyq) jaǵdaılarǵa tez beıimdeldi». Degenmen, ótken jyly «jahandyq energııa men azyq-túlik baǵasynyń kúrt ósýi ómir súrý qunynyń daǵdarysyn týdyrdy».

Ýkraınadaǵy qaqtyǵysqa baılanysty munaı, gaz jáne azyq-túlik baǵasynyń kútken kórsetkishten joǵary bolýy «jalpy ınflıatsııany qaıta kóterýi múmkin» dep esepteıdi qor.

Foto: reuters.com