Bıyl memlekettik tapsyrys boıynsha 38 619 adam joǵary oqý oryndaryna qabyldanady
ASTANA. 14 tamyz. QazAqparat - Bıyl memlekettik tapsyrys boıynsha jalpy sany 38 619 adam joǵary oqý oryndaryna qabyldanady. Bul týraly búgin Úkimette ótken selektorlyq keńeste QR Bilim jáne ǵylym mınıstri Baqytjan Jumaǵulov málim etti.
«2012-2013 oqý jyly boıynsha joǵary oqý oryndarynda bakalavr júıesinde oqytýda memlekettik tapsyrys aýqymy 34 315 grantty qurady. Konkýrs nátıjesinde 31 210 grant berildi. Al magıstranttardyń memlekettik tapsyrysy 6 myń 909 oryndy qurap otyr, byltyr 1750 orynǵa az bólingen. PhD doktorantýrasyna 500 oryn berildi. Jalpy memlekettik tapsyrys boıynsha bıyl 38 619 adam oqýǵa qabyldanady», - dedi Bilim mınıstri.
Budan bólek, Eńbek jáne halyqty áleýmettik qorǵaý mınıstrligimen birlese otyryp Ulttyq biliktilik shegine qatysty josparlar ázirlene bastaǵan. «Joǵary oqý oryndaryn táýelsiz akkredıtteý júıesi engizilýde, bul tolyǵymen básekelestik ortaǵa berilip, akkredıtteý agenttigi quryldy. Oǵan 2 qazaqstandyq jáne 4 sheteldik agenttik kirip otyr», -dedi B. Jumaǵulov.
