Bıyl memlekettik grant sany 800-ge qysqardy - T.Balyqbaev
ASTANA. QazAqparat - Bıyl memlekettik grant sany 800-ge qysqardy. Bul týraly búgin QR Bilim jáne ǵylym vıtse-mınıstri Tahır Balyqbaev málim etti.
«Byltyrǵy jylmen salystyrǵanda bıylǵy jyly granttyń sany sol deńgeıde qaldy dep aıtýǵa bolady. Degenmen 800 adamǵa azaıdy. Ol keıbir mamandyqtarǵa memlekettik tapsyrysty magıstratýraǵa aýystyrýymyzǵa baılanysty oryn aldy», - dedi.
T.Balyqbaevtyń atap ótýinshe, múgedek, jetim balalarǵa jáne shetelden kelgen balalarǵa arnalǵan arnaıy kvotalar ótken jylǵy deńgeıde qalyp otyr. ıAǵnı, bólingen memlekettik granttyń 1 paıyzy І jáne ІІ toptaǵy múgedekter, bala kezinen múgedekter, múgedek balalar tobyndaǵy azamattarǵa, 2 paıyzy Qazaqstan Respýblıkasynyń azamattary bolyp tabylmaıtyn ulty qazaq adamdarǵa, 1 paıyzy jetim balalar men ata-analarynyń qamqorlyǵynsyz qalǵan balalarǵa beriledi.
Esterińizge sala keteıik, aǵymdaǵy jyly shamamen 34 myń grant bólinedi. Onyń shamamen 12 myńy tehnıkalyq mamandyqtarǵa bes myńǵa jýyǵy pedagogıkalyq mamandyqtarǵa, shamamen 2600-i aýyl sharýashylyǵy mamandyqtaryna beriledi.
