Bıyl memlekettik apparat qyzmetkerleri 25 paıyzǵa qysqarady – Úkimet basshysy

NUR-SULTAN. QazAqparat – Bıyl memlekettik apparat qyzmetkerleri 25 paıyzǵa qysqarady. Bul týraly Májilistegi «Nur Otan» partııasy parlamenttik fraktsııasynyń keńeıtilgen otyrysynda Úkimet basshysy Asqar Mamın aıtty, dep habarlaıdy QazAqparat tilshisi.

«Halyq pen bıznestiń qalaýyn qanaǵattandyrýǵa baǵdarlanǵan tıimdi memlekettik apparat qurý boıynsha jumys jalǵasady. 2025 jylǵa qaraı barlyqmemlekettik organdar avtomattandyrylyp, elektrondy formatqa kóshiriledi», - dedi Úkimet basshysy «Nur Otan» partııasynyń «Ózgerister joly: ár azamatqa laıyqty ómir!» Saılaý baǵdarlamasyn oryndaýdyń Jol kartasyn talqylaý barysynda.

Onyń atap ótýinshe, bıyl qyzmetterdiń 92 paıyzy tsıfrlandyrylady.

«2021 jyly memlekettik apparat pen memlekettik sektordaǵy qyzmetkerlerdiń sany 25 paıyzǵa qysqarady. Bıyl azamattardyń qyzmetterdi elektrondy túrde derbes alýy úshin Halyqqa qyzmet kórsetý ortalyqtaryn onlaın keńes berýge beıimdeý jumys bastalady», - dedi Asqar Mamın.