Bıyl mektep bitirýshilerdiń 72 paıyzy UBT tapsyrýǵa nıet bildirdi
ASTANA. 2 mamyr. QazAqparat - 2013 jylǵy 25 sáýirde osy jylǵy ulttyq biryńǵaı testileýge (UBT) qatysý úshin ótinish qabyldaý jumystary aıaqtaldy, dep habarlady Ulttyq testileý ortalyǵynan.
Ótinish qabyldaý barysynda aǵymdaǵy jylǵy UBT-ǵa qatysýǵa tilek bildirgen barlyq mektep bitirýshilerge jáne olardyń ata-analaryna arnaıy jadynamalar berildi. Atalǵan jadynamalarda UBT-ny uıymdastyrý, ótkizý boıynsha negizgi kezeńder men merzimderi jáne sonymen qatar bilim berý granttaryn taǵaıyndaý konkýrsy týraly qysqasha aqparattar keltirilgen.
Qalyptastyrylǵan «Bitirýshi» derekter bazasyna sáıkes, aǵymdaǵy jyly UBT-ǵa qatysýǵa 99560 mektep bitirýshi tilek bildirdi. Bul mektep bitirýshilerdiń jalpy sanynyń 72 paıyzyn quraıdy, onyń ishinde 68315 qazaq tilinde, 31245 orys tilinde test tapsyrmaq.
«Bitirýshi» derekter bazasyn qalyptastyrý nátıjeleriniń negizinde jaqyn arada Ulttyq testileý ortalyǵynda testileý kúnderi men UBT ótkizý pýnktteri boıynsha ulttyq biryńǵaı testileýdi ótkizý kestesi jasalyp, testileýdi ótkizý úshin qajetti emtıhan materıaldaryn daıyndaý jumystary júrgiziledi.
