Bıyl Mekkede 1,8 mln adam qajylyq paryzyn ótedi

ASTANA. QazAqparat – Saýd Arabııasynda qajylyq aıaqtaldy. Minájat etýshilerdiń sońǵy joralǵylarynyń biri Mekkeden shyǵysqa qaraı ornalasqan Mına alqabynda shaıtanǵa tas laqtyrý rásimi boldy, dep habarlaıdy QazAqparat euronews-ke silteme jasap.

Tańsáride myńdaǵan adam Ibrahım paıǵamdardyń ómirinen epızodty qaıtalaý úshin kıeli alqapqa bet aldy. Quran kitabynda jazylǵandaı, paıǵambar óz ulyn qurbandyqqa shalýǵa kóndirmek bolǵan shaıtandy taspen atyp, aınalasynan qýǵan.

Keıin jamaǵat Ál-Haram meshitiniń ishki aýlasyndaǵy Qaǵbany taǵy bir aınalyp shyqty.

Koroldik bıliginiń málimetinshe, bıyl qajylyqqa 1,8 mln adam keldi, olardyń deni – sheteldikter. Buǵan deıingi rekord pandemııaǵa deıin bolǵan edi: 2019 jyly qajy dárejesin 2,5 mln musylman aldy.

Buǵan deıin habarlaǵanymyzdaı, bıyl 4 myń qazaqstandyq Mekkege qajylyq saparǵa bardy.

MOHAMED ABD EL GHANY/REUTERS

ELIF OZTURK OZGONCU/ANADOLU AGENCY VIA GETTY IMAGES

MOHAMED ABD EL GHANY/REUTERS

EPA