Bıyl Máýlit merekesi Respýblıka saraıynda resmı túrde 13-shi ret atap ótilýde - Bas múftı
ALMATY. 2 aqpan. QazAqparat - Almatydaǵy Ortalyq meshitte juma kúni 10 myń adam jınalyp Máýlit jyryn aıtty. Ony Qazaqstan musylmandary dinı basqarmasynyń tóraǵasy, Bas múftı, sheıh Ábsattar qajy Derbisáli búgin Respýblıka saraıynda ótip jatqan Máýlit merekesi kezinde aıtty.
«Máýlit merekesi búkil Qazaqstanda 1 aı boıy toılanady. Keıbir elderde Máýlit aıy 2 aı buryn toılana bastasa, taǵy bir elderde ol Máýlit aıy bitken soń da 2 aı boıy jalǵasa beredi. Ol halyqtyń dinge qurmeti, paıǵambarmyzǵa degen súıispenshiligi», - deıdi Ábsattar qajy.
Bas múftıdiń aıtýynsha, meshitten bastalatyn Máýlit merekesi kezinde birlik, yntymaq týraly aıtyp, paıǵambardyń ómiri jolyn nasıhattaý kerek. Bıylǵy Respýblıka saraıyndaǵy Máýlit merekesi kezinde Dinı basqarma sımvolıkalyq túrde ǵana 200 teńgeden bılet tarattyq. Odan túsken qarjy bul basqosýdyń sońynda arnaıy shaqyrylǵan birneshe jetim balalar úıleriniń dırektorlaryna tabys etiletin bolady. Bul izgilikti is týraly aqyn Beıbarys Shoıbekov te «Máýlitke arnaý» óleńinde - « Kontsert kórip, sadaqa berip qaıtsań, Bola ma budan asqan saýapty is» dep atap ótken bolatyn. Oǵan jınalǵan jurt túsinistik bildirip, óz yqylasyn qoshemetpen bildirdi.
