Bıyl mashına jasaý salasynda 217 mlrd teńgege 29 joba iske asyrylady
«Basty nazar mashına jasaý salasyndaǵy jańa jobalarǵa aýdarylýda. Osy rette, 2028 jylǵa deıin 1 trln 700 mlrd teńgege 151 jobany iske asyrý josparlanǵan. Onyń ishinde bıylǵy jyly 217 mlrd teńgege 29 jobany iske asyrýdy kózdep otyrmyz. Josparlanǵan jobalardyń ishinde Reseı, Qytaı, Ózbekstandaǵy seriktestermen iske asyratyn birikken jobalar da bar. Máselen, Ózbekstanmen birlese otyryp, avtomobıl óndirisi uıymdastyryldy. Sondaı-aq, turmystyq tehnıka men lıft jasaý boıynsha da jobalar iske asyrylýda», - dedi ol.
Munan bólek, Marat Qarabaevtyń dereginshe, reseılik seriktestermen alıýmınııden jasalǵan dıskter, sondaı-aq, temirjol mashına jasaý sektoryna arnalǵan quramdaýysh bólshekter óndirisi ulǵaıtylady. Qytaılyq ınvestorlar burǵylaý qondyrǵylarynyń jáne aýyl sharýashylyǵy tehnıkasynyń óndirisin damytýǵa qoldaý kórsetetin bolady.
