Bıyl mas bolyp rýlge otyrǵan 8 atyraýlyq sottaldy

ATYRAÝ. QazAqparat – Atyraý oblysynda bıylǵy eki aıda mas kúıde kólik júrgizgen 8 adam sottaldy. Onyń 2-eýiniń bas bostandyǵy shektelip, 6-aýy bas bostandyǵynan aıyryldy, dep habarlaıdy QazAqparat.

Atyraý oblysy prokýrorynyń orynbasary Nurjan Serikulynyń aıtýynsha, kólikti mas kúıde júrgizgender jol qozǵalysynyń barlyq qatysýshysyna qaýip tóndiredi.

«Kólikti mas kúıinde júgizgenderge qoldanylatyn jaza 2020 jyl basynan qatańdatyldy. Zańǵa engizilgen mundaı ózgeris óz nátıje berdi. Biraq, osyndaı derekter áli tolyq joıylǵan joq. Máselen, bıylǵy jyldyń eki aıynda Atyraý oblysynda QR Qylmystyq kodeksiniń 345-1 jáne 346-babymen 8 adam qylmystyq jaýapkershilikke tartyldy. Onyń ekeýiniń bas bostandyǵy shekteldi. Al 6 júrgizýshi bas bostandyǵynan aıyryldy. Ótken jyldyń osy kezeńimen salystyrǵanda quqyq buzýshylyq dınamıkasy 34% artty», - deıdi Nurjan Serikuly.

Óńirde mas júrgizýshiniń biri aýyr jol-kólik oqıǵasyna sebepker bolǵan. Ol jábirlenýshiniń kóligine soǵylǵan. Sot mas júrgizýshini kináli dep tanyp, ony kólik júrgizý quqyǵynan 5 jylǵa, bas bostandyǵynan 6 aıǵa aıyrdy.

Eske sala ketelik, budan buryn Atyraýda jol apatynan júrgizýshi oqıǵa ornynda, bir jolaýshy aýrýhanada kóz jumǵanyn habarlaǵan edik.

Keıin KamAZ-ǵa soǵylǵan LADA júrgizýshisi men onyń úsh jolaýshysy aýrýhanaǵa tústi.