Bıyl Mańǵystaýǵa 2137 qandasymyz kóship keldi
Óńirge kóship kelgenderdiń basym bóligi Ózbekstannan qonys aýdarǵandar.
Atamekendi ańsap, tarıhı otanǵa úkili úmitpen kelgenderdiń biri Jupbanovtar otbasy. Atalǵan otbasy Túrikmenstannan Beıneýge kóship kelgen. Keıin Munaıly aýdanyna qonys aýdarǵan. Otaǵasy Qydyrbaı Jupbanov elge kelgen soń da ustazdyq eńbek jolyn jalǵastyryp, qoǵamdyq jumystarǵa belsendi aralasqan. Búginde Munaıly aýdanynyń qurmetti azamaty, aýdandyq ardagerler keńesiniń tóraǵasy. «Mańǵystaý aýylyna - 50 jyl», «QR Konstıtýtsııasyna - 10 jyl» tósbelgilerin ıelenip, Elbasynyń alǵys hatyn alǵan.
«Túrikmenstannan óz elime kelgen keldi. Qydyryp keldim, unady. Aýylǵa barǵasyn 1 aı ishinde Qazaqstanǵa kóshý týraly sheshim qabyldadym. Aýdan kórkeıip, damyp keledi, 170 myń jýyq halyq turyp jatyr. Áleýmettik -ekonomıkalyq kórsetkishteri joǵary. Tarıhı Otanymda eńbek etip, urpaq tárbıelepyrǵanym úshin baqyttymyn,-deıdi Qydyrbaı Jupbanov.
Qydyrbaı jarymen birge 11 balany tárbıelep, ulyn uıaǵa, qyzyn qııaǵa qondyrǵan. Búginde balalarynan 35 nemere, 11 shópshek súıip otyr. Ul-qyzynyń árqaısysy ár salada abyroıly qyzmet etip, oblystyń damýyna úles qosýda.
Jupbanovtar otbasy sııaqty, TMD aýmaǵynan Mańǵystaýǵa kóship kelgen qandastarymyzdyń qatary kóp. Máselen, sońǵy 1 jyldyń ishinde Mańǵystaý oblysyna Túrikmenstan - 915 adam, Ózbekstan – 1010, Reseı – 23, Iran – 125, Qytaı – 3, Qyrǵyzstan – 4, Aýǵanstan - 57 qandasymyz kóship kelgen.
«Sońǵy 2 jylmen salystyrǵanda óńirge kóship kelgen qandastar sanynyń óskendigi baıqaldy. Bıyl 376 otbasy kóship kelip, memlekettik qyzmet kórsetildi. Oralman mártebesiniń merzimi ótip ketken 394 azamattardyń ótinishi qabyldanyp, 525 adamǵa jeńildetilgen tártippen QR azamattyǵyn qabyldaý úshin oralman mártebesiniń jaramdylyǵyn 2019 jyldyń 31 jeltoqsanyna deıin uzartylatyndyǵy týraly sheshim berildi. ıAǵnı, olar QR azamattyǵyn jeńildetilgen tártippen qabyldaýǵa múmkindik aldy»,-deıdi MO Jumyspen qamtýdy úılestirý jáne áleýmettik baǵdarlamalar basqarmasynyń bas mamany Nabat Baımuńalova.
