Bıyl Mańǵystaýda 1,2 mln sharshy metr turǵyn úı paıdalanýǵa beriledi

NUR-SULTAN. QazAqparat – Elimizde turǵyn úı salýda Mańǵystaý oblysy úshinshi orynda. Bul týraly Ortalyq kommýnıkatsııalar qyzmetinde ótken brıfıngte Mańǵystaý oblysynyń ákimi Serikbaı Trumov aıtty, dep habarlaıdy QazAqparat tilshisi.

«Bıyl 1,2 mln sharshy metr turǵyn úıdi paıdalanýǵa berýdi berýdi josparlap otyrmyz. Bul - Nur-Sultan, Almaty qalalarynan keıingi úshinshi kórsetkish. Osy úılerdiń biraz bóligi az qamtylǵan otbasylaryna beriletin bolady», - deıdi Serikbaı Trumov.

Onyń aıtýynsha, kezekte turǵan turǵyndardy baspanamen qamtýǵa qatysty másele joq.

«Turǵyn úı qurylys jınaq bankine qarajatyn salý arqyly turǵyn úıge qol jetkizý máselesi jáne kezekte turǵan azamattardy salynyp jatqan úılerdegi pátermen qamtamasyz etýge qatysty ýaqytsha másele bar, biraq bul jyl sońyna deıin sheshiledi. Barlyq qala turǵyny turǵyn úımen qamtamasyz etiledi», - deıdi ol.

Sondaı-aq, óńirde sońǵy memlekettik baǵdarlamaǵa sáıkes, jaldamaly turǵyn úıler salynady.

«Aqtaý qalasynda 144 páterli úıdiń qurylysy júrip jatyr. Fort-Shevchenko qalasynda 18, 48,16 páterli úsh úıdiń qurylysy júzege asýda. Munaıly aýdanynda qurylys jumystary júrip jatyr », - deıdi oblys ákimi.